Nebulosa planetaria

Nebulosa planetaria
tipu d'oxetu astronómicu
Parte de	galaxa

Una nebulosa planetaria ye una nebulosa d'emisión consistente nuna envoltura brillosa n'espansión de plasma y gas ionizado, espulsada mientres la fase de caña asintótica xigante que traviesen les estrelles xigantes coloraes nos últimos momentos de les sos vides.^[1]

El nome deber a que los sos descubridores, nel sieglu XVIII,^[2] repararon que la so apariencia yera similar a los planetes xigantes vistos al traviés de los telescopios ópticos de la dómina, anque realmente nun tienen nenguna rellación colos planetes.^[3] Trátase d'un fenómenu relativamente curtiu en términos astronómicos, que dura del orde de les decenes de miles d'años (el tiempu de vida d'una estrella común ronda los diez mil millones d'años).^[4]

A la fin de la vida de les estrelles qu'algamen la fase de xigante colorada, les capes esteriores de la estrella son expelidas por cuenta de pulsaciones y a intensos vientos estelares. Tres la espulsión d'estes capes, subsiste un pequeñu nucleu de la estrella, que s'atopa a una gran temperatura y relluma de manera intensa. La radiación ultravioleta emitida por esti nucleu ioniza les capes esternes que la estrella espulsara.^[1]

Les nebuloses planetaries son oxetos de gran importancia en astronomía, por cuenta de que desempeñen un papel crucial na evolución química de les galaxes, devolviendo al mediu interestelar metales pesaos y otros productos de la nucleosíntesis de les estrelles (como carbonu, nitróxenu, osíxenu y calciu). En galaxes alloñaes, les nebuloses planetaries son los únicos oxetos de los que puede llograse información útil alrodiu de la so composición química.^[5]

Les imáxenes tomaes pol telescopiu espacial Hubble revelaron que munches nebuloses planetaries presenten morfoloxíes desaxeradamente complexes.^[6][7] Solamente en redol a un quintu d'elles amuesen formes más o menos esfériques.^[8] El mecanismu que produz esta amplia gama de formes nun s'entiende inda perbién, anque se cree que les estrelles binaries centrales,^[9] los vientos estelares^[10] y los campos magnéticos^[11] podríen exercer un papel importante.

1. ↑ ^{1,0 1,1} Frankowski, Adam; Soker, Noam (2009). «Very late thermal pulsies influenced by accretion in planetary nebulae». New Astronomy 14 (8):  páxs. 654-658. doi:10.1016/j.newast.2009.03.006. http://arxiv.org/PS_cache/arxiv/pdf/0903/0903.3364v1.pdf. Consultáu'l 28 de payares. «A planetary nebula (PN) is an expanding ionized circumstellar cloud that was ejected during the asymptotic giant branch (AGB) phase of the stellar proxenitor. The nebula is ionized by the hot central star.». 
2. ↑ Kwok, Sun (2005). «Planetary Nebulae: New Challenges in the 21st Century». Journal of the Korean Astronomical Society 38 (2):  páxs. 271-278. http://adsabs.harvard.edu/abs/2005JKAS...38..271K. Consultáu'l 28 de payares. 
3. ↑ Hubblesite (ed.): «Hubble Witnesses the Final Blaze of Glory of Sun-Like Stars» (inglés) (17 d'avientu de 1997). Consultáu'l 28 de payares de 2009.
4. ↑ Error de cita: La etiqueta <ref> nun ye válida; nun se conseñó testu pa les referencies nomaes Kwok2000_p2
5. ↑ Error de cita: La etiqueta <ref> nun ye válida; nun se conseñó testu pa les referencies nomaes Kwok_p199-207
6. ↑ Error de cita: La etiqueta <ref> nun ye válida; nun se conseñó testu pa les referencies nomaes Reed1999
7. ↑ Error de cita: La etiqueta <ref> nun ye válida; nun se conseñó testu pa les referencies nomaes Ayer2001
8. ↑ Error de cita: La etiqueta <ref> nun ye válida; nun se conseñó testu pa les referencies nomaes Jacoby2001
9. ↑ Error de cita: La etiqueta <ref> nun ye válida; nun se conseñó testu pa les referencies nomaes Soker2002
10. ↑ Error de cita: La etiqueta <ref> nun ye válida; nun se conseñó testu pa les referencies nomaes Kwok_89-96
11. ↑ Error de cita: La etiqueta <ref> nun ye válida; nun se conseñó testu pa les referencies nomaes Jordan2005